साकारात्मक सोच एक आच्छा नजरिया

साकारात्मक सोच एक आच्छा नजरिया

लोक्लार बिकाशेर ताने, जीवन निर्मानेर ताने, मुश्किलेर सामना कर्बार ताने, आप्नार सम्बन्ध आर खुसियाली जिन्दगी कायम राख्बार ताने सबसे बर भूमिका हये, लोकेर साकारात्मक सोच !

साकारात्मक सोच अमृत हए आर नाकारात्मक सोच बिष हए ! लोकेर जीवनत अमृत आर बिषेर सम्बन्ध हते रहचे ! जाहे दसरा झन् कार नाकारात्मक सोचेर बिष पी लेसे, अये घर- परिवार आर सामाजत निलकण्ठ महादेवेर रुप धारण करि लेसे !

आपनाके नाकारात्मक चिज ला से बचाव आर दसरा झन् कार नाकारात्मक चिज ला हासिते खेलिते झेल्वार कोशिस करेचे, उरा हए आत्मा विजय !

साकारात्मक सोचटाक बेनाइल उपवास

हर खुना सम्झ कि साकारात्मक सोच मोर धरम हए ! मोर पुण्य हए, मोर प्रतिष्ठा हए, मोर द्विप हए, मोर संकल्प हए, मोर उपवास हए आर मोर नजरिया हए !

सोच जुखून साकारात्मक हए ते तुइ आर मुइ गटे चिज लात सफल हई !ओइलात जीवनत एक मात्र करि कि - मुइ साकारात्मक सोचिम, साकारात्मक बोलीम, साकारात्मक बेवहार करीम, साकारात्मक जीवनयापन करीम !

साकारात्मक सोच मन्त्र आर तन्त्र दनेराए हए, शक्ति आर उन्नत, श्वास आर विश्वास गटे चिज लात साकारात्मक सोच संगे मिस्लाल छे !साकारात्मकेर मतलब हए असल बेन्वार कोशिस ! साकारात्मकेर मतलब आप्नार से बरलार धम्कन ला सहज रुपत लिबार आर आप्नार से छट लार गल्ति माफ करिये बडप्पन देख्वार !

साकारात्मक से बुझ्ले कोधौओनि ग्लास टा खालि राख्वा हए,हर हमेशा आधा भराल हवा चाई ! कारह कमि से कमि देख्वार नाकारात्मक हए ते कारह गुण देख्वार साकारात्मक हए !

खाराब ना सोचअ !

तोंर किस्मत सुध्रि बा जुखुन चाह चीस ते तोंर चरित्र रा सुध्रा ! तोंर चरित्र रा सुध्राबो ते तोंर बेवहार टा सुध्रा, तोंर बेवहार टा जुखुन सुध्रिबा चाह चीस ते तोंर आनी बानि ला सुध्रा ! आर तोंर बानि बेवहार ला जुखुन सुध्रिबा चाह चीस ते तोंर सोच टा सुध्रा ! खाराब ना सोचेक, खाराब न बोलेक, खाराब ना सुनेक आर खाराब ना देखेक ! जब्तक सोच्बो तब्तक खाराब बोल्बो, सुन्बो आर देख्बो !

--------------------------------------------------------------------------------------------------------