Ekadasi Paabni--(एकादशी)

Kaheye jaasey ‘tirth madhye gaatha kaashi, brath madhye ekdasi’lagvag aagukaar pustaar antar baad jadi gayaa kaashi jailey pritlaar uddhar hachey. Arsey jadi ekadasi brath taat upabaas rahaley gatey paap nasta haye bada dharma hachey aar jivan da safal hachey.Ida haamaar jan biswas chey. Rajbanshi, Tajpuriya samajet ida ekadasi paabni maanwar bises mahatwa chey. Bises kariye gharer budha budhila ida paabni karechey. Kintu aalha chengra chengrila bhi karuwa dharichey. Ida brath karuwaar pauranik hisaab kitaab se khabe mahatwa purna chey aarah jhan yahaar upawaas rahabaar kadaapan jhan yahaar thap mahatwata raakhe chey. Karthik aamaser 11 dinet parbaar ekdasir raja Harischandra da baastabat ketekhaan daanwaan chey kahaye bhi dharmik gungaan se jadaal chey ida paabni kahale se ekadasi brath. 

Raajkaaj et sabse daani raja kahaye Raaja Harischandrak china jaasey. Chaaye jahaye bhi ar darbaarat aasiye pugley mann bharaaye, khaanpin karaaye aarah kuchu diye pethaaye. Ataakhaan daanwaan
raja dekhiye bhagwaan Bishnu da raja Harischandra er parikhcha libaaar bichaar karil. Ek din bhagwaan Bishnu ra saadhur bhesat Raja Harischandra rer darbaar et aashiye pugley. Raja Harischandra kuchu daan karwaa chahisley kintu sadhu bhesat bhagwaan Bishnu kahabey. Mok ilaa dhan sampati ni laagey tok jadi daan karwa menaaichey te mok tor betar maatha ra kaatiye haasi khussi dibaa laagey. Jadi tui daan ni karbo mui tok ghor shraap dimm. Daanbir raja Harischandra chintaat parijaabey. Ekta sadhu bhesat jaaheye bhi aassley ar purna santusti diye pethwa laagye. Aap jadi ira saadhuek santusti ni karechu te kramm bhang hachey fer uaar uprat shraap bhi dibaa chaha chey. Ki karey ni karey bahut chintanat parigel Raja Harischandra. Anek samaybaad daanbir raja Harischandra manjur hol kintu raani manjur ni hol. Bahut kathin se raani raak bhi samjhaai bujhaai kariye aapnar betarar maatha kaatiye uda sadhuk daan karuwaar swikaar haley. Jab daan karuwaar samay haye daanbir raaja ar raani (maye baap) er chakhu se loi chutiye jaaye. Huti saadhu da chetabni surat ditey rahaye ki daan dibaar samay et kaandan mundan habaa ni laagey. Mannda ek dam kathor kariye ekta boro paathal da chaapiye betaar maathaa ra katiye saadhuk daan karley. Saadhu ra ura kaatal maatha ra jhalaat dhukaaye raja raanik kohol ki sandhyar khuni parti khan et jaayene dekhan tamhaa kuchu paaban. Jab sandhya haley, gatey gaur chuwa puta la parti khaanet jamma haye naachan kudan khel khelabey. Raja Raani hokordokor karey sandhyar khuni ukhaan partit pugijaabey. Ukhaan partit amhaar beta da sang laar sangey khelwa dekhechey. Ekghuri raja raani chhak parigel. Haye na nahaye manndaat anek sankha karbey. Baglat pugiye daak desey te beta ra fer baglat aasitey sochwa dharwe kiya mor mao baap ta mor khelwaar jaga khaan et aashi chey. Kiya daak dilo maa? Mao ra beta raak kalaat liye kaha chey aajhi tok kuchu hois ley? Betara chhak parigel. Hadekha aajhi mui jhan din bhar sanglaar sangey naya naya khel khelechu. Mok kuchu ni haye ta Ma. Raja raani aapnaar beta raak darbaar er ti aanley. Paachut raaja raani manan karbe ki bhagwaan Bishnu ra parikha libaar taaney saadhu bhesat aasis ley.

Aajhi Rajbanshi, Tajpuriya samaajet bhi ida ekadasi bratat bahut saadhna kariye manaachey. Upaaser pahila din aaluwa khachey. Nuntel begar saakhsabji khachey, bises karey falful aapnachey. Brater din, dinbhar upaas rahaye raat ghuri mandap benaaye,mandap taat bhagwaan Bishnur murti ni tey foto raakhiye puja upasana karechey. Puja rukat raat bhar uda mandaper aaguti jaagil rahachey. Aapnaar istha mitra, kutumb, naata laak aamantrit kariye puja et sang sangey rahachey ar karechey. Aamantrit lokla aapna aapni tarika se raat ghuri manoranjan karechey ar raater samay kaatechey. Puja samaapaner khuni gatey bolaahaati loklaak bhojan kariye bidai karechey.

Yehi la haamaar Rajbanshi, Tajpuriya samaajer pahichaan kahaye ar bisesta. Gatey parab paabni laa ketekhaan bora mahatwa bujhaachey haamaalaak bujhba bahut jaruri chey.........

Read More Ekadashi - Wikipedia, the free encyclopedia