Siruwa Paabni

Jal Siruwa, Kaada Siruwa Aajhi Rang Siruwa

Savaaye Mili Aash Khelwa, Aajhi Rang Siruwa

Haamaar Jaater Bara Paabni, Siruwa Paabni Manaayi

Ghumni Muri Paijir Saana, Pet Varaaye Khaayi

Maner Aasha Manntey Rahabey, Jadi Ni Khelban

Khelwa Aash Siruwa Paabni, Gatey Dukhla Bhulban

Siruwa Paabni Kheliye Haamaa, Ek Jut Habaar Dekhaayi

Buddhi Jiwi Han Tamahala, Savakey Bujhaayi

Jaater Pahichaan DeshBidesh Laak, Siruwa Paabni Janaayi

Haamaar Lakhshya Pura Hobey, Siruwa Paabni Manaayi

Jal Siruwa Chyaap Chyaap, Kaada Siruwa Ged Ged,

Rang Siruwa Range Range,Kenang Asal Paabni,

3 Din Kaar Siruwa Paabni, Paabni Re Paabni 

Jagira Sara ra ra ra ra ra Jagira Sara ra ra ra ra ……..

बरधनी / नन्दसि

बरधनी / नन्दसि ।

बरधनी मोर रसियानी वरधना नि बुझे वात
बासमतीर खिर छरिये खाय उस्ना चौलेर भात

नन्दसि नन्देर मरद बरधनिक भुलवा चाय
बारित अप्नार कदमा सरे कुम्ह्रार ताय बेराय

दाल भात भाजी बरधनी सवदिन केतेक खाय
कोयदिन रस्सा कोयदिन काञ्जीत जिभा ललचाय

लालच नि भाल नन्दसि बंशित माछ मारालजाय
जिभार लालचत खपात आगिन लाग्ले कि उपाय

मरद जात भमरा जानेर करे कायँ परवाय
फूलत भुलत हुलगुलत नि मरबाव डराय

ननद हामार सोझो सैतान सोझुवाय बुझे बात
थप्काय ना ते मरुवा पोरोक वहि सैतानेर हात

भोल भोल बुझागेल बरधनी छरी दी इला गप
बरधनी नन्दसिर नाता मजाक होल इला सप

हामाव जानि गुरुभेदी नन्दसिलार बात किरङ
मन जाँचुवार ताने हामार हय इला बात हिरङ

होक वा ना होक जेहोक तम्हाँ हामार बिचत रोह्क
ननदक ना सुनायदन तम्हाँर दिल जे कोहोक

कुम्ह्रा कद्दुत मन ना दौराय कदमा ते माजा हय
घरेर अन पानी बेर्छानी अपनाते आनन्दमय

लेखक रवि लाल कोचिल्दा ।

Naa Jais Ge Mai Mok Chariye..

Naa Jais Ge Mai Mok Chariye..

Naa Jaaish Ge Mai Tui Aapnaar Maayer Ghar,

Mok Chariye Hetaan Ekhlaaye,

Tor Bina Baachwa Nipaam Mui,

Tok Chariye Rahabaa Nipaam Ekhlaaye,

Kenekarey Dekhaam Mui Haamaar Premer Maya,

Tok Mui Ketekhaan Prem Karchu,

Tui Mok Premer Parikcha Lailey,

Tok Chariye Rahabaa Nipaam Ekhlaaye,

Saayad Taharey Taane Dhartit Janam Lisu ,

Mok Chariye Naa Jaais Ge Mai,

Saayad Bhagwaaner Lila Haye Ira,

Maanija Ge Mai Mor Kaatha Tui,

Tor Kunha Majbur Chey Te Bataa Mok,

Miliye Ney Haamaa Sangharsh Karma,

Patyaar Tui Mok Karwa Hobey,

Tok Chariye Rahabaa Nipaam Ekhlaaye.

ठाकुर ब्रह्मानीर पूजा

आजी नेमान खाचे गाँवेर
देउनियाँ देउनियाँनी।
लारु केला चढाय पूजे
ठाकुर ब्रह्मानी।।

Naari

 Naari

Shristir Amuly Rachana,

Naari Tui Baachiye Rahek SadaaBhar,

Mukti Ar Swatantrataar Taaney,

Tui Sangharsh Karek Sadaabhar,

Tor Sushilta Ar Maahantaar Taaney,

Tor Khot Dekhwaar Loklaak,

Tor Sundarta Ar Muskaaner Taaney,

Tok Chot Dibaar Loklaak,

Paramparar Bahaanaat,

Tui Saidhab Almaliye Chis,

Daud Dhup Kariye Bhaagiye Chis,

Gariber JIndagi

Gariber JIndagi

Gariber Jindagi khai kenang Jindagi,
Dukher Dukh se Gariber Mann Bhari Gisey,
Paayena KhusiChan Ira Sansaar Bhar,
Chali Jaasey Aap Aye Ira Dharti Chodi,
Khai Gariber Jindagi Ira Kenang Jindagi ??

       Ghar Chey Tangaal Mann Chey Bhaangaal,
       Chuwa Puta Pariwar Chey Bhoker Paagal,
       Haatat Ni Kauri Bin Bazaarat Dauda Daudi,
       Khai Gariber Jindagi Ira Kenang Jindagi??

                Gharat Ni Chey Lattaa, Ni Sochey Chu Mui Seth,
                Jann Kariye Berachu Bharaal Ni Chey Peth,
                Shandaykaalin Ghar Aaschu Chuwa Kaanchey Baglat,
                Khai Gariber Jindagi Ira Kenang Jindagi??

                        Ginti Kariye Genaachu Chi Haama 6 Jhan,
                        Taaka Kaamaye Khilaachi Haama Maatra 2 Jhan,
                        1 Jhan Jaasi Gharer Kaam Kari, 1 Jhan Deuniyaar Nokari,
                        Khai Gariber Jindagi Ira Kenang Jindagi ??

                                Maner Aasha Sapanaat Sajaachu, Bipanaat Hayena,
                                Ila Kinim Ula Kinim Taaka Aar Paisa Pugena,
                                Taaka Kaamaye Aanchu Gharat Khaabaare Pugena,
                                Khai Gariber Jindagi Ira Kenang Jindagi??

                                         Ishwarer Lila Aprampaar Hacye Mui Ta Bujhuna,
                                         Kaah Deuniya Kaah Fakir Mann Daaye Maanena,
                                         Hey Prabhu ! Mannse Saccha Prasna Karchu Tui Sunekna
                                         Khai Gariber JIndagi Ira Kenang Jindagi??

Mui Moriye Gisu.

Mui Moriye Gisu

Naa Mui Aapnaar Loklaak Kanuwa Sune chu,

Naa Mui Kaahaka Chiryha baar Pai chu,

Chaar Jhanaar Kaanger Chakikhaanat,

Sukher Aaraam Liye chu,

Naa Mui Kaahara Dukh Dekhe chu,

Naa Mui Kaahara Sukh Dekhe chu,

Haarer Khelat Bhi Mor Jeetey Hachey,

Baachiye Mui Kodhoi Sukh Ni paanu ,

Mariye Aajhi Mui Sukh Pachu,

Mui Moriye Gisu. !!

Fuler Maalaat Mui Saajiye Chinu,

Naya Kaapra Mui Pinihye Chinu,

Dukher Dukhat Bhi Mor Jeetey Hachey,

Naa Mui Kaanishnu,

Naa Mui Haashisnu,

Baachiye Mui Kodhoi Khusi Ni paanu,

Baachiye Yenangti Sajaawot Ni paanu,

Moriye Aajhi Mui Sammaan Paanu,

Aaguti Paachuti Mui Vella Lok Paanu,

Bijay Benaaye Mok Uthaaye Paanu,

Baachiye Mui Kaahaka Lagat Ni Paanu,

Moriye Savaakey Aajhi Mui Lagat Paanu,

Mor Laashta Jalbaar Ghuni,

Naa Mui Chabaal Kahey chechaanu,

Naa Mui Bisaal Kahey Chechaanu,

Pal Bharat Jaliye Mui Musshi Haye Genu,

Baachiye Mui Harwa Ni Paanu,

Moriye Aajhi Mui Haaraye Genu,

Chitaar Agnikhaant Jaliye Aajhi,

Mushi Baniye Haaraaye Genu,

Mui Moriye Gisu !! Mui Moriye Gisu !!
------------------------------------------------------------------------------------------------------

Garib

Gariber Loi Bharaal Rahachey Saanjer Par aar Behaaney,

Chirar Kaapra Pet Khaali Yenangey Hachey Savaarey,

Pasina Bahaaye Parishram Karechey Ek Chaak Khaabaar Taaney,

Muskhil Hachey Khaabaar Libaar, Kahey Dekhechey Garib Laak ??

Dukher Marma Dukhi Laaye Dekhe Chey, Dhani Laa Dekhena,

Aasha Kariye Dhanir Ghar Jaasey, Dhani Laa Balena,

Mehenat Kariye Ghar pariwar Paalchey,

Ek chaak Khaaye Raater JIvan Bitaachey !!
-------------------------------------------------------------------------------

हमार नीति

 समय आर परिस्थिति

कराचे अनुभूति

भाँगाल ठालीदाअ कुश्याचे

पुर्निमार बाद आमास्य

तब फेर

किया नि हबे पूर्ण

हमार तपस्या !!

इडा बिकट परिस्थिति

आर हामार डरपोक नीति

कि हामा बढुवा पार्म आगुती ?

आ स सभाये सचि दि !

हामा चम्किए उठे चि

आन्धार राति डात

देखिए एकटा खामा

केनंग करे फेर हामा आगुती बढुवा पार्म

बिकासेर रास्ता डात हामा !

छाडी दि इला डरुक नीति

साहस करे बढी आगुती

हामा बनिजायी जन्हाकी

आन्धार राति डात जन्हाक लिए

बेरायी हिती आर हुती

तने हबे हामार प्रगती

आ स

सवाये जाई आगुती !!

राजबंशी कबिता

मोर सन्देश

ए गाव घरेर छटछट भाई बहिनी ला ,

तमहा स्कूल पदुवा लिखुवा जाव....

पढ़िए लिखिए सिखिबन तमाह,

आपना आपनी नाम कमाव....

स्कूल जाए तमाह पदुवा लिखुवा सिख

पढ़िए लिखिए सीखिए तमाहा....

हामार मात्री भाषा डार प्रचार कार,

हामार मात्री भाषा डा पाछुत परिये गी से आगुती आनी......

हामार मात्री भाषा डा करुवा नि पाले हामारे होबे हानी,

हामार जातेर भाषा डा से , आर जातेर भाषा ला,

के ते खान आगुत चली गिसे,,,,,

हामार जातला पदुवा लिखुवा नि जानिये,

ऊइलात हामार मात्री भाषा डा पाछुत परिये गिसे.....

तन मन लागा बे भाई बहिनी ला पदुवा लिखुवा सिख,

पढ़िए लिखिए सीखिए तमाहा भाषा डार उथान  कर........(लेखक-ब्लॉगर)
--------------------------------------------------------
शान करे सिनबार खुनी जब साबुन नि छिले
छेयिनी साबुन आलाए हामार घरत,
लेकिन छे हाट अत,
टाका दे गे आई तुई,
किनवा जाम काली मुई,
केनेहे?कोहोदी ?
आलाए होइगेल राती,
जाम ते मोक डर लागे छे,
इखान आन्धार खनत,
ऊइलात कह्चु किनिये राख घरत,
टाका दे गे आई तुई किनवा जाम काली मुई !!!!
------------------------------------------------------

हमार नीति

 समय आर परिस्थिति

कराचे अनुभूति

भाँगाल ठालीदाअ कुश्याचे

पुर्निमार बाद आमास्य

तब फेर

किया नि हबे पूर्ण

हमार तपस्या !!

इडा बिकट परिस्थिति

आर हामार डरपोक नीति

कि हामा बढुवा पार्म आगुती ?

आ स सभाये सचि दि !

हामा चम्किए उठे चि

आन्धार राति डात

देखिए एकटा खामा

केनंग करे फेर हामा आगुती बढुवा पार्म

बिकासेर रास्ता डात हामा !

छाडी दि इला डरुक नीति

साहस करे बढी आगुती

हामा बनिजायी जन्हाकी

आन्धार राति डात जन्हाक लिए

बेरायी हिती आर हुती

तने हबे हामार प्रगती

आ स

सवाये जाई आगुती !!
(स्रोत गोरखापत्र)