DOL PUJA
Faagun Mahinaat Rajbanshi la maanwar bara paabni madhye ekta Dol Paabni haye. Dol Thaakur kaye bhi kahaal jaasey. Ira pujaat dol thakurer murti benaal jaasey. Murti laat Radha- Krishna nitey Shiv-parbatir laar murtila rakhaal jaasey. Pa, Dahichur aar Falfuldey ira puja karaal jaasey. Ira puja aapne ni tey Saanguwari rupat 3-4 ghar miliye karaal jaasey. Dol puja laagwar loktaak "Maariya" kahaal jaasey aar geet geedawar loker jamaatak "Holi" aar anange karey geet gidaaye gaaw-gaaw berwaak "Maalan Daalwa" kahachey.
Pahilakaar kahini anusar Hirnyakasyap kahabaar rayeksat aapnaar Bishnubhakta beta Prahalaad ak maarawar baadey laahaar ghar benaaye aapnaar bahini Holika raak pethaabey. Holikaar sangey aaghin khaanat jalwa nipaawar bar chiley. Taahaatey Prahalaad tak jalwar taaney uha aapnaar kalaat raakhiye ghar taat aaghin laagaabey. Kintu Bishnu bhagwaner kripase Prahalaad taak aghin khan jalwa nipaabey aar Holika ra aaikhaan aghinat jaliye marijaabey. Uhaar khusiyalit Prahalaader sang-saathila naach-gaan aar rang khelbey. Ahi bela se rang khelwaar chalan rohol aar uhaak paachut Faagu nitey Holi kahabaa dharil. Holikar Prahalaad taak laahaar gharat jalaaye marwaar jaal-saaji kahabaar laakhati, aalha Dol Pujaraat Vela-ghar jalaa jaasey.Ira paabni karley jehaputa habaar, sampati saait, sri baadwaar, maner kaathaala pugwaar biswas lokla karechey.
BIDHI
Maariyaar Faagu-Purnimar Chaturdashir dina upawaas rahachey, aaghilaa din niyam karechey. Ahi din saan-ghuri "Vela Ghar" jalaachey. Ikhaan kaam dui(2) kisim se karaal jaasey.
Gaawer baglat kherir ekta chatta karey ghar benaal jaasey, saanghuri gaaw parser gatelokla jara haye bidhi purwak vela-ghar taak aghin laaga jaasey. Maariya Maariyani dane jhanaa Chaanni-Baatti de puja karechey. 'Chaanni-Baatti' kahaley kulaat karey chaarik Dhaan, Dugraban, Supaari, Sindur, Difaar Gecha, Kalash, Ekchari Kala raakhiye benaal daali haye. Prashaad laar baadey Kala, Aaluwa Chaau, Duni, Paan, Bhogmaasla, Tulsir Paat raakhaal jaasey. Taahaarbaad Panchamrit benaal jaasey. Difaar gecha jalaaye Sankh fukaal jaasey. Dol Thaakurer jay-jay karaal jaasey. Maariyala Dol Thakurtaak Chaanni-Baatti chumayeney ghartaak aghin laagaachey. Pura ghartaak jalwaa nipaaye aghin khaan ghema jaasey. Ira hol pahil kaar tarika.
Dasra tarika kanek aalaada chey. Kaacha baastaak kaatiye aaniye hetat se upartak puwali baanaa jaasey. Baastak tab gaaraa jaasey. Baasta gaaraal thina prasaad duwaal jaasey. Maariyar puja, aar chumwar baad aghin laagaal jaasey. Baasta pura jalwaa ni paaye gatelaaye taana-taani, ghesta-ghesti kariye kaashtaak bhaange chey,aar aghin la ghema chey. Yenange karey Vela-Ghar jalaayene sabhaaye aapnaapni ghar ghure chey.
Tab kalikaar dina Purnimaar din haye. VelaGhar jalwaar thina ekta thaan benaal jaasey. Thaaner chaarahti kalar gechlaa bunaal jaasey. Thaan raak Garam Maatti dey lepaal jaasey. Maariyaar aapnaar ghar yegnaa la bhi lepa-muchaa kare chey. Maariyaara udin karey upawaas rahachey. Thaaner aaguti tali benaal jaasey. Aapnaar isthamitra, kutumbiradar laar balaahat karaal jaasey. Ekta baacha karey mundil bhi benaal jaasey. Jaahaak Dol Thakur kahachey.Uhaar bhitrat Radha-krishna, Shiv-paarbati nitey Dol Thakurer murti rakhaal jaasey.
Saanghuri Dol Thakur taak thaanat rakhiye aashan chara jaasey. Dol Thakur er uprat Paan, Supari, Taakaa-Paisa raakhaal jaasey. Difa gecha jalaa jaasey, sankh fukaa jaasey. Kalser jal chitaayene Chaanni-Baatti de Dol Thakur taak chumaal jaasey. Dol puja suru kariye raatbhar jaagraam bathaa jaasey. Doler geetla gedaal jaasey.
Parsur dina savaaye Dol Thakurtaak liye gaw-gaw beraa chey. Yenange karey beraaley daamaal laat bhin Thakurer sange jadi bhet hol tey ek aapasat saata-saati karey chey. Jaahar ghar bhi Dol Thakur tak liye jaaley, uhaar Thakhur baari thaanat rakhwa laagey. Thakur baari nihabaar taligatat yegnaa khaanat raakhwa laagey. Dol Thakur ta rakhwaar aagut lepamuchaa karwaa laagey. Dol Thakur taak prasaad duwaal jaasey. Ghargirir duwaal prasaadla thakur tak charaal jaasey. Jadi Ghargirira prasaad dibaa nipaarley Maariyara aapne aanaal prasaad la thakur taak charwa laagey. Jaabaar bela prasaad la Maariyar sangla liye jaasey. Kanek prasaad aar panchaamrit ghargirik desey. Prasaad la bukuwaar baadey ekta haandi rahachey. Gaw-Gaw holila geet gidaaye naachte beraachey. Yenange karey gidwaar geetla khaash kare "Sristir Gaan" aar sangsange " Bhasmaasur Kaanda" ar geet la gidwaar chalan chey. Ila geetak "Geet" nitey "Chara" kahale bhi hobey. Chara kahaley kahini la kahatey geetbaar geetla haye.
Sristir Gaan/Bandana Geet
Raam bandhu, Lakhan bandhu, Bharat Satrugan
Kaikai Kausila bandhi, Sumitra Charan
Gharer Grihani Charan Bandhu, Ganga Maiddhey Chaag-rathi
Aakaash Paataal Bandhu, Ladi Maiddhey Gangaa
Paat Maidhey Bandhu Tulsi, Swarga Maiddhey Dhaam.
Sabhaa Maiddhey Bandhu, Sabhaar Pad Dhuli
Sabhaa Maiddhey Bandhi, Aami Sabhaar Charan
Daini Juguni Bandhu, Baamtey Lakhan
Bandhilo Bandhana Baafu, Dewa Charaaye Ghaw
Duhaai Laagey Sri Raamer Maatha Khaaw.
Chara
Dhanya Prabhu Jagatbandhu Raam Awataar
Raam Gichey Kailaashpuri Shivak Diya Bhaar
Raaj Paaye Shiver Aanandit Mann
Sukhe Raajya Karey Baafu Shivak Kari Nibedan
Aapun Hailo Prabhu Jagater Ishwar
Aapun Korek Prabhu Asamyagya Joger Gathan
Daak Prabhu Sarwa Munigann
Dhyaner Prabhu Dhiyan Dharil
Dhyantey Ghanto Baali Srijan Karil
Shiver Bole Naarad Bhagina Munibar
Trisaal Kuti Debtaar Ghar Nimantran Kar
Shiver Bachan se Naarad Muni Aanandit Mann
Trisaal Kuti Debtaar Ghar Karilo Gaman
AagGhaarey Naarad ketek durr Jaaye
Munir Bhuwan Kina Jaaye aar Laagaal Paye.
No comments:
Post a Comment