आपनार मात्रिभुमिक कोधौनी भुल्बार कोशिस करबा होबे

आपनार मात्रिभुमिक कोधौनी भुल्बार कोशिस करबा होबे

'धन गुमले पुन: आर्जन करबा सकिबे / संग साथी गुमले पुन: दशरा संग मिलबा सकिबे/ बेर्छानी गुमले पुन: बेहा करबा सकिबे/जग्गा जमीन गुमले पुन: किनियेने हासिल करबा सकिबे / परन्तु देहा एकबार छोड़ी दिले पुन: प्राप्त करबा नि सकिबे /"

समय सबसे बलवान छे / समय जैठे सैठे आपना- आपनीर ठाउट फैलाल छे / कुनह बेलात तमाहा ला जुखुन धन सम्पति गुमाए दिलन ते उला धन सम्पति पुन: आर्जन करबार ताने समयराक पर्खिबा होबे / ऊइलात चिन्ता लिबार कुनह आवश्यक नि छे / आर संगसाथी लाअ भी इस्ताई रहबे कहेने भी जरुरी नि छे / कहाक जुखुन गुमाबो ते कहाक नया संगसाथी बेनाबा सकबो / जीवनडा ती भी देखले आपनार श्रीमति राअ भी संगे रहबार भरोसा  नि छे / हो हामाह राजबंशी लार आलाए बहुत झहन कार इस्तिती नाजूक होइगिसे / कुनह अफसोश कर्र्बार दरकार नि देखेछु / जे होल होइगेल / अआप फेर से नया सिर्जना करिए ने बाचाये राख्बार कोसिस कारन / पुन: आर्जन कराये जाबे / आर संघर्ष जारी छे / सभाके शुभकामना / परन्तु देहा जुडी काम्बार छमता नि छे ते कुनह कराल नि जाबे / इसीलिए समाये ते सबकुछ करियेना आपनार जग ता मजबूत करबा होबे /  सुख दुःख, धन सम्पतिर अनुभूति करबार हामार सोच, बिचार, आर लगन एर महत्व देखाल जासे/

यी गूटे कारण की हए ते ? यी गूटे कारण हए "धानैस्ना" माने धन सम्पति, "दारैश्ना" माने श्री मति,(बेर्छानी) आर "पुत्रैस्ना" माने बेटा छुवार कामना / यी गूटे कमानालाये हमार लाखाती लोक्लार सुख दुखेर कारण हए /

आगुत्कार राजा महाराजा. अगुत्कार राजबंशी दुनिया ला मोज मस्ती करते दिन गेल / आर बुझबा लागे की धन सम्पतिर स्वामित्व कायम राखबा नि सकील / धन सम्पति अस्ताई छे / ईला चीजअक लोकला बचबा नि पारबे / धन सम्पति से चीर सुख प्राप्त करबा नि पारबे / धन सम्पति लोवेर ताने सच्चा सुख प्राप्त करबा नि सक्बे/ धन सम्पतिर ताने लोकला जे भी करबा सकेचे / ताह भी लोकला धन सम्पतिर लालच रखे छे / आखिर जे जेनंग होक हामाक धन सम्पतिर अति अवश्यक छे, अवश्यक होबे आर हामाक आवश्यक तार सिमाते रहबा होबे /

दसरा हए दारैश्ना माने मगी, बेर्छानी, श्री मति / श्री मति,  छुवा, संतान, जग्गा जमिनेर संगे पारिवारिक जीवनत आनंद लिबार ताने हामाक उपभोग करबा सकबा होबे/ पारिवारिक जीवनत एकला सच्चा सुख पाम कहेने सोच्बार हामार बर मुर्खता हए /

तीसरा कामना हए पुत्रैश्ना /बेटा हले सुख पाम कहयेने बाप वा परिवारत बेटार चाहना रखे छे / बेटार सुख, कामना करबार भी एकटा छनिके ताने मात्र हए / उधारण: महाभारतेर कथात राजा ध्रितारास्त्रार केतेला बेटा, खोये ते पाले सुख ? वास्तवत राजा रा आप्नारे चुवाला कारण से अत्यधिक दुःख आर अपमान सहबा परिल / आरह भी कहबा चाहाचू  की बेटा छुवा हले सुख आर बेटा निहले दुःख पाम कहयेने सोच्बार एकटा गलत हए, भ्रम हए/ धन सम्पति बेर्छानी आर बेटा-बेटी से सुख मिलेचे कहयेने भी एकटा हामार भ्रम हए / असल काथा की हए, इला धनैश्ना, दारैश्ना आर पुत्रैश्ना / लोकला बंधन अत परियेने दुःख देसे बुझाये गेल / येदी लोकला दूस्ट छे, ते अय दुखेर सागरत दुब्बाये होबे /

एकटा असल बाप टाक एकटा असल आर आदर्श बेटा छुवा छे एदाये बहुत /अक भेलेला छुवार की काम / उधारानेर ताने रामयानेर कथा खानत भगवन रामेर असल आर आदर्श बेटार काम करिचे / देहा (सरीर) धरम हए जनम आर मरण , प्रानेर धरम हए भोक आर प्याश आर मनेर धरम हए सक आर मोह/दुखेर मूल कारन की हए ते ? दुखेर मूल कारण हए जनम /जनममेर मूल कारण की हए ते ? जनममेर मूल कारण हए करम / करममेर मूल कारण की हे ते ? करममेर मूल कारण हए डर, त्राश, भये, भेलेला कारण वा दोष छे /यी गूटे दोसलार कारण की हए ते ? ईला गूटे दोसलार कारण हए आभुज, नासमज आर अशीक्चा/