मुई एकटा बापेर बड बेटा. एकटा कवाहत छे 'गेछार कटी खानत आन्धार'. एकटा असल परिवारेर असुलत जनम त लिसू परन्तु जिंदगी बेकार छे. पड़ा लेखा आर सभारे मर्म बुझबार मुई. सघारे चित्त बुझायेने मुई एकदम थकित होए गिछु. काहार मंड बुझाबो. बुझाए बुझाए हदरी गिछु. मोर मनेर पीड़ा कहाए बुझबे?? काहः नि छे बुझबार, की मुई की चाहाछु. जे होक जेनंग होक दिन बीते छे आर की? घरेर झमेला, ऋण महाजन, खेती बारी , इष्ट कुटुंब सभाके देखबा परे चे मोक. हातत टाका कौरी नाई केनंग करे दिन गुज्रिबे..मोक जुलुम खाराब लागे चे. तपने बिदेश जाम कहेने मन डा से लागिल. ऋण महाजन करिए कतार गेनू. बिदेशेर हावा पानी खानु. कनेक आदि पैसा कामानु, ऋण महाजन सद्धा नु.घर परिवारेर मन ला बुझबा पानू. ताः भी टाका आर पैसा सुनिए ने मन डा भरिल. दिन गेल बछर गेल बिदेश से घर आसनु. घर अत आसिए देखे छु ते कुनह फरक छुट्टी बा नि पर्नु. जेनेंग छिले अनंगे छे केरे. मोर बाप टा रखसी, जुवा तास ते माताल देख्नु. बिदेशेर कामाई ला मोर बहुत नस्ट होइगिसे. आर मुई सहबा नि पाचू. मोर बाप टा सुधरी बे कहयेने बड आश छिले, माने मुई कुनह रास्ता दुवार नि पानू .आर मुई की कहम??
जैला चीज चाह चू ऊइला नि पाचू आर नि पानू. दिन गेल बछर गेल गुम सुम करे दिन बिता चू. त़ा भी कुनह आर काक दोष नि दिबा चाह चू. मोर तक़दीर से लड़ाई निरंतर छे. आर बेसी दिन तक लड़ाई सायद नि करबा पाम हबा लागे मोक लगे चे. खैर जे होबे देखा जाबे........
मरण से डर त आगुत लागे माने आब नि लगे चे. डाक्टर रे बोली से डर लागे, बापेर बड बेटा कहेने डर लागे..माने आब नि लागे चे..परिवारेर हर सदस्य से माया मोह छे मोक. आर मुई की कहम?? इक्छा, अकंसा से जिबार से सबकुछ ख़तम हबारे ठीक कहेयेने मन डाट लागे चे. फेर एत्र लाम जिंदगीत रहेने भी की करबो?? एक दम बिरक्त लागी गी से मोक आपनार जिंदगी से. कुनह भी कामेर एकटा सीमा रेखा हचे, परन्तु मोर कामेर सीमा रेखा नि छे. ना ते मोक समय रा साथ देसे, ना मोक इस्ट कुटुंब, नाता बिरादर ला ये, ना मोक तक़दीर टाये ना आरह काह. बस मुई अपनार भरोषात बाचिये छु. देखू केतेला दिन तक?? भरोषा करबो ते काक करबो. लोकेर भरोषा करबा नि हए. लोक कहले काक सम्बोदन करबो. ऊई इस्ट कुटुंब, बिरादर लाक. लोकेर भरोषा मोर मन से उठी गिसे. अपनार इस्ट मित्र , नाता कुटम्ब बिरादर सभारे से भरोषा कर्नू परन्तु इडा संसार लालच एर संसार हए. आपनार से अपनार भी भरोषा नि होल. लोकेर मन बुझा बो ना अपनार मन बुझा बो...उफ़ ............
काह कह चे टाका पैसा सबकुछ आर काह कह चे टाका पैसा सबकुछ ना हए. की हए ते ?? अपना आपनी नजरिया से परिभाषित छे. टाका पैसा से सुखेर अनु भूति मिले चे, परन्तु आराम नि छे. टाका पैसा से बड समय. समय रा ते कामालो ते कामैलिलो. समय रे ते सबकुछ कामाई लिलो कह ये ने मोक जीबनेर सब से बड महत्वाकान्छा बुझबा पानू.
कर्म भी जीबन से मिलाल छे. टाका कौरी से सुख मिल्बे परन्तु खुसी किन्बा नि पाबे. कर्म से खुसी मिल्बे परन्तु सुखेर अनुभूति नि मिल्बे. यी सब गुटे चरित्र ला मोर जीबनेर संगे साठ गाट छे. दोषी से मुई एक दम धनि पुरुष.. पर काह भी मोक दोष लाग्बार आगुत तुई किया नि बुझेचिस की मोर मन डा भी तह रे लाखा ती छे. मन से तन, तन से धन, आर धन से खुसी.धन छे, खुसी छे माने कुनह भी करबार मन नि छे. मनेर पीड़ा बुझबे काहे??/ऊफ इडा जिन्दगी .........मनेर मन डा बुझ बार दाबाई पानू, आश छिले गुटे लाये ठीक होबे, भरोषा छिले माने तक़दीर रेर दाबाई धराये गेल. आशेर संग संगे निराश हबा परिल. आश आर निराश होइगेल मोर घनिष्ठ साथी. आप त मोक आदते परी गिसे. तक्दिरेर लाम रास्ता आर बेराए नि जाबे आर नि जासे. इक्छा आकांशा से मुक्त हबार पर भी लख्छिय नि बुझबार जिन्दगी बेकार हए.
मन डा ठीक नि हले कुछु भी नि करबा मेना चे. ऊप्रेर खुसी भित्रेर दुःख.ऊफ इडा जिंदगी....चोखुत लोई नाई, सातेर साथ नाई आर मनेर पीड़ा, इ सब गुटे लाये सादाहरण हए गिसे. इक्छा जाहेर करबार वातावरण पैदा नि हचे. जाहेर पैदा करी दिबार लोक पैदा नि हए. एकल संसार ठीक जैसा लगे चे. एकल आदत परबार जैसा लागे चे. माया मोह सबसे खतरनाक चीज हए इडा संसारात. असल माया चोखो माया करबार एक दम कम मिले चे. चोखो मायार ताने भेले ला हातेर खेल हचे. अतत धन सम्पति टाका पैसा ला भी नितान्त जरुरी छे. टाकार ३ डा कोइना ही ही ...परन्तु माया मोह एक दम अनमोल. जैठे प्रेम ओयीठी खुसी. खुसी से निरंतर जिन्दगी. मन भांगले केनंग पीड़ा हचे, जेनंग आगुती आर कुनह लाख्स्शिये नि छे. मनेर एकटा बाचा टुकरा निकलिए परी गेल जैसा लगे चे. इडा संसार अन्धकार जैसा लगे चे. आर कुनह प्रगति उन्नति करबा नि मेना चे...........................................(लेखक..ब्लॉगर)
