जेबेला हामा १-२ महिना मायेर कोखत रह ची, उबेला बच्चारा खुन से लत्पतिए रहचे ! एडा धर्तित आसवार बाते छट पट कर्ते रह चे ! अये एकदम से एकदम दुख कस्ट पिडा से रह चे, मायेर कोखत ! ऊडा हामार सबसे प्रथम भोग करवा पर्चे ! बस दुखेर संसारत घेरिए आप्नार दर्द काहक भी बाट्वा नि पाचे ! मनुष्य जीबनडा पिडा से सुरुवात हचे ! उदाहरण बिस्तार से ! जुखुन हामाक कुनह बेला कुनह ब्लेड से या पिन से आप्नार आन्गुल डा कनेक मात्र काटाये गेल ते केनंग दर्द पिडा महसुस हचे ! आरह आर अर उप्रत कनेक नुन . नि ते मर्चिनेर गुण्डा ऊरा घाउत् पर्ले केनंग ति बिशाबे, सवाके सायद मालुम छे !
हो............अनंगती १-२ महिना बच्चारा एकटा मासुर ढिक्का हये ! खुन से लत्तपत्त मायेर कोखत चुप चाप रह चे ! ले आप सोच कि ऊइराए माअ कनेक झाल , नुन , आर खाट्टा जदी खाए, कोखत पालाल बच्चाराक सिदा असर परे चे ! केनंग दर्द र पिडा हचे ???
बच्चारा चिर चिर करे छट पटा चे परन्तु अ र दुख पिडा सुनी दिवार काह नि हचे ! बहुत चिर चिरा हट आर छट पटा हट से भोगाल बच्चारा अन्तिम इत भाग्वानेर संगे प्राथना कर्चे '' हे ! भगवान मोक इरा दुख पिडा से मुक्त कराई दे "! इला गटे दर्द भावना देखिए सुनिए भगवान डा ऊरा बच्चाराक मुक्त करवार जिम्मा ले से ! भगवान डा मनत राखिए ऊरा बच्चाराक कह चे कि " तुइ जदी इरा धर्ति खानत आस्वा चाह चीस ते मोक तुइ एक्टा बचन दिवा होबे !' ऊरा बचन हये " निस्वार्थ नि बनिए तोक परमार्थ बनवा होबे "! एदी इरा बचन पुरा करवा पाबो ते तोक मुइ इरा संसार देखाम, तबे तोक मुइ जन्म दिम ! भाग्वानेर काथा ला सुनिए बच्चारा बचन पुरा करवार बाध्य होइजासे , आर जल्दी से जल्दी दुख आर पिडा से मुक्त ह्बा चाह चे ! आखिर कार जन्म होइजासे !
जनम लैएने चखु जदी फुटिगेल भगवानेर गटे बचनला फम हाराए जासे ! वास्तविक हामा इरादुनियात जनम
लैयेने पापीर काम बेसी आर धर्मकर्म काम कम करे ची !
परमार्थ नि बनिए निस्वार्थ एर रास्ता बेरवार बाध्य होइजासी ! कि इरा ठिक हये ??